Қазақстан Республикасының Энергетика министрі Ерлан Ақкенженов Тәжікстан Республикасының Энергетика және су ресурстары министрі Далер Джумамен келіссөздер жүргізді.

Кездесу барысында отын-энергетика саласындағы екіжақты ынтымақтастықтың өзекті мәселелері және оны одан әрі дамыту перспективалары жөнінде пікір алмасты.

Тараптар мұнай-газ саласындағы өзара іс-қимылды кеңейту, өңірлік энергетикалық ынтымақтастықты нығайту және өзара тиімді бірлескен жобаларды іске асыру мүмкіндіктерін қарастырды.

Келіссөздер қорытындысы бойынша тараптар әріптестікті одан әрі тереңдетуге, практикалық өзара іс-қимылды дамытуға және екі елдің энергетикалық қауіпсіздігін нығайтуға өзара мүдделілік бар екенін растады.

Источник: Министерство энергетики РК — gov.kz